ТХГН-ийн нэр: Отгонтэнгэр уул - Дархан цаазат газар
Хамгаалалтанд авсан огноо: 1992-02-01
Хамгаалалтанд авсан тогтоол, шийдвэрийн дугаар: 1992 оны Улсын бага хурлын 11-р тогтоол, 1995 оны УИХ-ын 26-р тогтоол
Газарзүйн байрлал: Отгонтэнгэр уулын ойр орчмын нутаг хамрагдана.
Засаг захиргааны хуваарь: Завхан аймгийн Отгон, Алдархаан сумын нутагт оршино.
Талбайн хэмжээ, га: 90498.66
Хамгаалалтанд авсан үндэслэл: Хангайн нурууны байгалийн иж бүрдлийг төлөөлөх ховордсон амьтан, ургамлын унаган нутаг. Хангайн нурууны ноён оргил Отгонтэнгэр уулыг анх 1818 онд дархалж байсан түүхтэй бөгөөд 1992 онд Улсын бага хурлын 11 дүгээр тогтоолоор улсын тусгай хамгаалалтад авч, 1995 онд УИХ-ын 26 дугаар тогтоолоор дархан цаазат газрын ангиллаар баталгаажуулсан байна.
Дэлхийн унаган байгаль, соёлын өв газар: Үгүй
Хүн ба Шим мандлын нөөц газар: Үгүй
Рамсарын конвенцид бүртгэгдсэн газар: Үгүй
Хил дамнасан ТХГН: Үгүй
Байгаль, газарзүйн онцлог: Уур амьсгалын хувьд ерөнхийдөө сэрүүвтэр, чийглэг байдалтай боловч газрын өндөршил, хотгор гүдгэрийн нөхцлөөс шалтгаалж уур амьсгалын орон нутгийн ялгаа ихтэй. Отгонтэнгэрт өндөр уулын ландшафт зонхилох суурийг эзлэх бөгөөд уулын нугын хүрэнцэрдүү тагийн хөрс, уулын нугын хар шороорхуу тагийн хөрс, уулын нугын заримдаг тагийн хөрс элбэг тархахын хамт уулын оройд нугат тундрын хөрс, нүцгэн хад, асга цөөнгүй тохиолдоно. Ус зүйн сүлжээ нягттай. Энд Шургын гол, түүний цутгал Богдын гол, Яруугийн гол эх авдаг. Отгонтэнгэрийн ар хормойд 60 хэмийн халуун байдаг Отгонтэнгэрийн рашаан, өвөр талд Цэцэрлэгийн рашаан оршино. Вансэмбэрүү, бэрээмэг гэх мэт эмэнд ордог ховор ургамлууд ургадаг. Ургамлын нөмрөгт өндөр уулын нуга зонхилж, түүний бүрэлдэхүүнд бушилз, улалж хоёр голлон алаг өвс холилдож ургана. Ойн дээд захаар явган хус, тошлогонцор, бургас, арц, өргөст тошлой, шар мод зэрэг бут ургадаг. Мөн доошлох тусам хуш, хар мод болон хуш хар модот тайга, холимог ой, сийрэг хар модон ой зонхилдог байна. Амьтны аймгийн хувьд нилээд баялаг бөгөөд төрөл зүйл олонтой. Тэдгээрийн дотор буга, гөрөөс, аргаль, янгир, хандгай, олби, гахай болон янз бүрийн мэрэгчид, тухайлбал хэрэм, чандага, туулай, оготно, жигүүртэн шувуудаас хойлог, туйлын ахууна, бохио нугас, үлэг харцага, сойр, цагаан ятуу, зэрэг олон төрөл зүйлийн ан амьтад шувуудаар баян.
Copyright Байгаль орчны мэдээллийн төв. 2017
Цаг уур, орчны шинжилгээний газрын байр, Жуулчны гудамж 5, Улаанбаатар 15160