GOOGLE EARTH, BING MAP-ЫН ГАРЫН АВЛАГА¶

Программын setup файл суулгах, тохируулах, бүртгүүлэх¶

Google Earth Pro программыг суулгах, Bing map-ыг тохируулах, Google Earth Engine-д бүртгүүлэх зэрэг ажлуудыг дараах үйлдлийн дагуу тус тус хийнэ. Үүнд:
Google Earth Pro программыг суулгах:
Google Earth Pro программыг суулгахдаа дараах холбоос (https://www.google.com/earth/versons)-оор орж setup файлыг татаж авна. GoogleEarthProSetup.exe гэсэн setup файлыг татаж авсны дараа Зураг 1-т заасан үйлдлийн дагуу Google Earth Pro программыг суулгана.
Үүнд:

1. Installing цонх нээгдэнэ.
2. Setup файл ажиллана.
3. Setup файл ажиллаж дууссаны дараа Close товчийг дарна.
4. Компьютерийн Desktop дэлгэцэнд Google Earth Pro программыг хэрэглэхэд бэлэн болно.

ArcMap дээр Bing map-ыг тохируулах:
ArcMap дээр Bing map-ын “ArcBruTile” гэсэн хэрэгслийг суулгахын тулд дараах холбоос ( https://www.mediafire.com/file/h99l8bn57ehh957/ArcBruTile.rar/file )-оор орж, үүний setup файлыг татаж авна. “ArcBruTileSetup.msi” гэсэн setup файлыг татаж авсны дараа Зураг 2-т заасан үйлдлийн дагуу Bing map-ын “ArcBruTile” хэрэгслийг тохируулна (Зураг 2). Үүнд:

1. ArcBruTileSetup.msi setup файлын баруун товчлуураас Install”** сонгоно.
2. ArcBruTile 0.3.4 гэсэн цонх нээгдэж Next товчийг дарна.
3. ArcBruTile 0.3.4 setup файл “C:\Program Files (x86)\CodePlex\ArcBruTile 0.3.4\” гэсэн хавтаст үүснэ.
4. “Just me” сонгоно.
5. “Next” товчийг дарна.
6. Setup файл ажиллаж дууссаны дараа “Close” товчийг дарна.
7. Bing map-ын “ArcBruTile” хэрэгсэл ашиглахад бэлэн болно.

Google Earth Engine-д бүртгүүлэх:

1. Тухайн хэрэглэгч Google бүртгэлтэй байх ёстой (https://code.earthengine.google.com).
2. Хэрвээ хэрэглэгч Google бүртгэлгүй бол шинээр бүртгэл үүсгэх хэсэг (Create Account) рүү орж бүртгүүлнэ. Google хаягтай бол өөрийн хаягаар нэвтэрнэ.
3. Google-д бүртгүүлсний дараа Google Earth Engine-д нэвтрэх зөвшөөрлийн мэйлийг хэрэглэгчийн Google хаяг руу илгээнэ.
4. Хэрэглэгч зөвшөөрлийн анкетыг бөглөнө.
5. Хэрэглэгчийн анкетыг хүлээн авсны дараа хэрэглэгч Google Earth Engine-г ашиглах эрхтэй болно. Өөрөөр хэлбэл Google бүртгэлийн хаягаар Google Earth Engine рүү хэрэглэгч нэвтрэх боломжтой болно гэсэн үг (https://code.earthengine.google.com).

Судалгааны талбай сонгох¶

CBIT төслийн Үр дүн 4-т нэг аймгийн хэмжээнд өндөр нарийвчлалтай зураглал боловсруулах ажлын даалгаврын дагуу Төв аймгийг сонгов (Зураг 3). Төв аймгийн онцлогийг дурдвал:

Газарзүйн байрлал:

• Төв аймаг нь Монгол улсын төв хэсэгт 74,042.37 км² газар нутгийг эзлэн оршдог.
• Төв аймгийн нутаг дэвсгэрт Монгол улсын нийслэл Улаанбаатар хот багтана.

Газарзүйн тогтоц:

• Далайн түвшнээс дээш дунджаар 1200-1500 метр өргөгдсөн.
• Хэнтийн нуруу, Заамарын нуруу, Зоргол хайрхан, Хустайн нуруу зэрэг уулархаг гадаргуутай.
• Газарзүйн байршлаар Хангай, Хэнтийн уулархаг, Дорнод Монголын талархаг мужид багтана.
• Аймгийн нутаг дэвсгэрийн 16.4 хувийг ой мод, 36.5 хувийг хээрийн бүс эзэлдэг.
• Аймгийн хойд хэсгийн уулын өргөн хөндийнүүд нь газар тариаланд тохиромжтой хүрэн бор хөрстэй, өмнөд хэсэг нь гүвээ толгод бүхий тал хээр газар юм.