administrator
Нийт илэрц: 98

Product

Азийн минж/ Eurasian Beaver

Нас гүйцсэн минжийн жин 16-22,5 кг, биеийн урт 740- 865 мм. Эм нь эрээсээ том. Зүс жигд хүрэн. Усанд сэлэхэд зохицож хойд хөлийн хуруунууд хоорондоо арьсаар холбогдож сэлүүрийн үүрэг гүйцэтгэнэ. Сүүл нь угаараа үстэй боловч үлдэх хэсэг нь нүцгэн хайрстай бөгөөд дээр, доороосоо шахагдаж хавтгай болсон. Урт сор үс, өтгөн ноолууртай (Шар, 2015).

Product

Алаг тоншуул/ Great Spotted Woodpecker

Биеийн зүс харлаг бөгөөд эрийн дагз улаан эмийнх хар. Сүүлний доод хэсэг тод улаан ягаан. Далавч, нуруу нь алаг харагдана. Бусад алаг тоншуулаас ялгарах онцлог нь түүний завьж болон чихний араар өргөн хар судал бий (Гомбобаатар, 2015).

Product

Алтайн хойлог/ Altai Snowcock

Биеийн урт 60-69 см, далавчны дэлгэмэл 78-84 см, далавчны урт 290-321 см, жин 2,050-3,060 г хүрнэ. Биеийн ерөнхий зүс бордуу зэгэл саарал. Толгой, хүзүү нь хөхвөр саарал. Гүеэ, цээжээр жижиг хар ба цагаан гурвалжин толботой. Цээж, хэвлий цагаан ба тууш нарийн бараан судлуудтай. Хошуу бахим бүдүүн, үл мэдэг доош махир, хар саарал. Хошууны угаар хамар нь бага зэргийн булцуутай мэт харагдана. Хөл улбардуу бор шаргал (Гомбобаатар, 2018).

Product

Амарын цулбуурт (Хар мөрний цулбуурт, Цулбуурт загас)/ Amur catfish

Ердийн цулбуурт нь 1 м, жин 8 кг хүрнэ. Толгой том, хавчгар, хошуу дугуй хэлбэртэй. Ам том, эрүү, самалдагтаа шүдтэй. 2 хос сахалтай: 1 хос урт сахал дээд эрүүнд байдгаас цулбуурт гэдэг нэртэй болсон. 1 хос сахал доод эрүүнд байна. Арьс хайрсгүй, нүцгэн. Сүүл урт, сүүлний сэлүүр дугуй. Өөхөн сэлүүр байхгүй. Нуруу, хажуу тал бор ногоон зүстэй. Өехийн сэлүүрээс бусад нь нурууны зүстэй ижил байна. Хэвэл цайвар (www.ezagas.mn).

Product

Аргаль/ Argali

Хүнд лагс биетэй, хөл харьцангуй урт. Зуны зүс хүрэвтэр бор, цайвар. Харин өвлийн зүс цайвар. Биеийн урт 140-150 см, сэрвээний өндөр 120-125 см. Угалз хомь хоёулаа эвэртэй (Лхагвасүрэн ба Цогтжаргал, 2018).

Product

Бамбай хоншоорт могой/ Halys (Central Asian) Viper, Shchitomordnik

Их биеийн урт 70 см, сүүл нь биеийнхээ уртаас 5,5-8,4 дахин бага. Биеийн ерөнхий зүс их төлөв хул шарга юмуу хар хүрэн. Гэвч биеийн зүс маш хувьсамтгай. Тухайлбал ой мод бүхий нутгийнх ихэвчлэн тод хар хүрэн, говь цөлийнх цайвар юмуу бор шарга байдаг (Мөнхбаяр нар, 2010).

Product

Бараан хэрэм/ Eurasian red squirrel

Биеийн урт 160-280 мм, жин 200-400 г орчим. Өвлийн улиралд чихний үзүүр хэсэгтээ урт сахлаг цацагтай. Зуны улиралд өнгө зүс хувьсаж нуруун тал нь шаргал улаан, бараавтар бор, хэвлий цагаан, сүүл шаргал, хүрэн бор ба хар. Өвлийн зүс саарал, бараан саарал (Шар, 2015).